Recensión: Fausta Cardoso Pereira, Dormir com Lisboa
Título: Dormir com Lisboa Autora: Fausta Cardoso Pereira
Capa: Jose María Picón Editorial: Urco Editora ISBN: 9788416121762 Nº de páxinas: 235 páxs
Sinopse:
Lisboa engole aqueles que a pisam. A calçada abre buracos para depois os fechar, como se nada tivesse acontecido. O desaparecimento inexplicável de cidadãos comuns em Lisboa é o ponto de partida para várias dimensões ficcionais entrançadas, como se cidade e texto fossem uma coisa só: um labirinto.
Enquanto o desconforto e a desorientação instalam-se na capital e os personagens procuram entender e resolver o problema dos desaparecimentos, Lisboa revela-se enquanto sistema vivo, com vontade própria, impossível de controlar.
Dormir com Lisboa é uma história que em vez de contar, pretende ouvir o que a cidade tem para dizer. É um abraço a uma cidade velha num contexto económico que a transforma todos os dias.
O premio Antón Risco convocado por Urco Editora e a Fundación Vicente Risco (entre outros colaboradores) tivo como primeiro gañador a Antonio M. Fraga coa súa obra Querido H.P. Lovecraft, obra que recibiu recentemente o Premio da crítica 2017. Agora, á espera de coñecer o terceiro gañador do premio, penso que é bo momento para falar un pouco do gañador da segunda edición, Dormir com Lisboa de Fausta Cardoso.
Esta novela é un organismo vivo en todo momento, de feito as chaves para comprendela son máis biolóxico-sociais que literarias. A autora reformula a cidade de Lisboa como un ser autónomo que participa da sociedade e que tenta implantar as súas propias regras. Esta cidade non só é o motor económico e político do país, senón o lugar onde se atopa a alma portuguesa. A autora explora o ADN do país para extraer del as súas miserias e amosar a rebelión contra o cosmopolitismo hermético que propón a globalización.
Como seria agora um fado cantado por Lisboa? Um fado onde a cidade deixou de ser poema para passar a fadista, como quem quer agarrar os versos na voz e assim manifestar-se, por si própia, numa matéria qque é sua? Seria um fado corridinho, uma guitarra com acordes ligeiros e versos rápidos num tom de quem fala a sério, mas em modo leve e de brincadeira? Ou seria antes um fado dolorido, sobre pena e outros lamentos acompanhados de uma guitarra indolente? Lisboa até podia cantar á desgarrada porque no que diz respeito ao Primeiro-Ministro, a cidade continuava num campo oposto ao dele, mas agora, com a fúria que transportava, Lisboa era como uma inimiga. (páx. 136)
O escenario, polo tanto, é protagonista principal na novela e a cidadanía é o seu "alimento". A través do realismo máxico, a influencia da estética tradicional e elementos fantásticos temos unha historia de aparente paranormalidade pero que non é máis que unha visita guiada por Lisboa na que a autora fai un panorama da sociedade portuguesa tradicional e o rumbo que seguiu durante os últimos anos. O concepto de "saudade", polo tanto, é esencial para comprender esta novela.
A historia transcorre nun tempo cronolóxico determinado con exactitude, o que permite construír unha obra cunha estrutura baseada en vintecatro capítulos de extensión desigual e cun peso potente do diálogo. A prosa é compacta, con períodos sintácticos longos e con moita tendencia a xogar coa metaliteratura e o metatexto. Os diálogos permítenlle a autora darlle voz a personaxes de distintas clases sociais e outorgar a obra un compoñente de "crónica" baseada nas testemuñas. A trama non ten puntos fracos e álxidos. Lisboa é a que é de principio á fin, o que cambia é o punto de vista da poboación sobre a realidade.
Lisboa estava sozinha embora não se sentisse sozinha. O vento secava roupa nos estendais, entrava pelos postigos abertos, empurrava do interior das casas para o exterior, para bem longe às vezes, o som dos programas televisivos, das conversas, o cheiro das torradas do pequeno almoço e da carne para outras refeiçoes. Lisboa via pessoas à janela, fumavam, falavam umas com as outras, vinham ver como estava a roupa se seca, se molhada, ou como estava o día, se sempre decidira deixar caír uma ou outra lágrima ou se rasgara as nuvens para lançar um sorriso aberto. Lisboa não se sentia sozinha porque as suas pessoas estivam-se para fora das casas, mesmo que permanecessem no seu interior. (páx. 142)
En resumo, Dormir com Lisboa é unha novela que xoga coa dicotomía fantasía-realidade, propia do realismo máxico, para chegar a unha atinada reflexión crítica. Unha lectura en clave literaria do que supón a perda de nocións tan importantes como a propia esencia. Agardemos que a terceira obra que saia destes premios manteña un nivel de calidade semellante.
