Recensión: Patrick Bard, Cerráronseme os ollos
TÃtulo: Cerráronseme os ollos
Autor: Patrick Bard
Tradutor: Fernando Moreiras
Editorial: Kalandraka
ISBN: 9788416721320
Nº de páxinas: 160 páxs
Sinopse:
Encérrase nas redes sociais, muda a súa vestimenta, o seu pensamento... Maëlle convértese en Ayat para unirse ao Daesh. A impactante historia dunha moza francesa que retorna de Siria.
Nunha época onde a xuventude ten acceso a todo tipo de información, mais normalmente non ten a capacidade suficiente como para filtrala adecuadamente, aparecen novos perigos como as seitas de todo tipo ou os grupos terroristas que recrutan a adolescentes aproveitándose dos seus conflitos internos. Patrick Bard aproveitase deste último aspecto para crear unha historia de moito interese para os centros escolares.
A manipulación da mente da rapaza por parte de Daesh é un proceso onde non se amosa o terrorÃfico das súas actividades. Mäelle convértese en Ayat mediante un proceso onde a rapaza destrúe a súa propia identidade debido os enganos do grupo terrorista e a súa propia necesidade de atopar o seu lugar no mundo.
Cerráronseme os ollos non é unha gran novela no que respecta o aspecto máis literario da mesma. Sen embargo é unha historia de contido pedagóxico importante e que deberÃa consultarse nos centros de ensino para falar dunha gran variedade de temas. Unha historia con moitos personaxes no que as historias individuais de cada un conflúen nunha cadea de erros que xera unha situación lÃmite coa que é imposible non reflexionar.
